Fjöldatakmarkanir á tjaldsvæðunum á Akureyri  10. ágúst 2020

 

Nú er staðan þannig á tjaldsvæðunum á Akureyri að einungis er hægt að taka á móti 400  gestum 16 ára og eldri á Hömrum og 100 á tjaldsvæðinu við Þórunnarstræti.

Undanfarnar nætur höfum við fyllt upp í þessar tölur. Væntanlegir gestir eru því beðnir að hafa samband við okkur símleiðis til að vita stöðuna ef ætlunin era ð koma til okkar.

Síminn á Hömrum er 4612264 eða 863-0725

Tjaldsvæðið við Þórunnarstræti  863-0726


Pláss á Tjaldsvæðina að Hömrum Akureyri   1. ágúst 2020

Nú er staðan þannig á tjaldsvæðunum á Akureyri að hægt era ð taka á móti fleiri gestum á Tjaldsvæðið á Hömrum.

Covid-19  31. júlí 2020

Í ljósi fjöldatakmarkana í samkomubanni, getum við ekki tekið á móti fleiri gestum að sinni á tjaldsvæðunum.

Covid-19  30. júlí 2020

Samkvæmt takmörkunum á samkomum sem taka gildi á hádegi á morgunn, þann 31. júlí. Þá getum við einungis tekið við 500 gestum á tjaldsvæði Akureyrar. Eins og staðan er núna getum við einungis selt 1 nótt til þeirra sem koma, en gestir sem þegar eru á svæðinu, geta framlengt, meðan svigrúm er til að bæta við gestum.

https://www.covid.is/

https://www.landlaeknir.is/koronaveira/

Tjaldsvæðin á Akureyri á Hömrum og við Þórunnarstrætið  30. júlí 2020

Um verslunarmannahelgina 2020 er aldurstakmarkið 20 árn ema í fylgd með fjölskyldu. Gildir frá 16 á föstudegi til kl 16 á mánudegi.


Verslunarmannahelgin á Akureyri - hækkað aldurstakmark á tjaldsvæðum  27. júlí 2020

Akureyrarbær, Vinir Akureyrar og Lögreglan á Norðurlandi eystra hafa gefið út sameiginlega yfirlýsingu vegna verslunarmannahelgarinnar á Akureyri:

Fjölskylduhátíðin Ein með öllu verður ekki haldin með hefðbundnu sniði á Akureyri um verslunarmannahelgina og brugðið verður út frá venjum í veigamiklum atriðum. Er það gert vegna Covid-19 faraldursins. Á tjaldsvæðum bæjarins verður aldurstakmark hækkað í 20 ár í því skyni að auðvelda fjöldatakmarkanir og forgangsraða í þágu fjölskyldufólks.

Í boði verða litlir fjölskylduvænir viðburðir víðs vegar um bæinn og tryggt að fullorðnir gestir á einstökum stöðum verði aldrei fleiri en 500 í samræmi við þau mörk sem sett eru af sóttvarnaryfirvöldum. Stórir útitónleikar í miðbænum verða ekki á dagskrá né heldur Sparitónleikar á flötinni við Samkomuhúsið á sunnudagskvöld. Þá verður skemmtistöðum lokað kl. 23 öll kvöld eins og reglur segja til um.

Með þessu vilja skipuleggjendur hátíðarinnar sýna ábyrgð en gefa fjölskyldufólki engu að síður tækifæri til að gera sér dagamun á Akureyri um verslunarmannahelgina.


https://www.akureyri.is/is/frettir/fjolskylduvaen-verslunarmannahelgi-a-akureyri-20-ara-aldurstakmark-a-tjaldsvaedum?fbclid=IwAR1EBJjqSYdIOH6kgJIO6fLzUtz-NUHOfkJVL9NdD4aPlscX-MX-_Nfcl0Q

N1- mótið 2020 Tjaldsvæði á Akureyri 1. - 4. júlí  22. júní 2020

Við bjóðum gesti velkomna á tjaldsvæðin á Akureyri í sambandi við N1 mótið. Tjaldsvæðin á Akureyri eru tvö. Annað við Þórunnarstræti og hitt að Hömrum við Kjarnaskóg.

Um leið og við biðjumst velvirðingar á töfum á upplýsingum varðandi fyrirkomulagið á tjaldsvæðunum á Akureyri um N1-mótið viljum við taka fram að það stafar af óvissu og ýmsum ráðstöfunum tengdum viðbrögðum vegna Covid-19 og leiðbeiningum embættis landlæknis um starfsemi tjaldsvæða. Þetta snýr að fjölda gesta í sóttvarnarhólfi, nálgunarmörk o.fl.

Helstu breytingar frá fyrri árum verða þær að tjaldgestir verða að virða 4 metra fjarlægðarmörk á milli gistieininga nema þegar um fjölskyldur eða hópa með miklu samneyti á milli einstaklinga og takmarka samneyti við tjaldgesti í öðrum sóttvarnarhólfum.

Tjaldgestir verða að virða 2ja metra nálgunarmörk á milli einstaklinga eins og kostur er.

Takmarka þarf samneyti aðskildra ferðahópða eins og kostur er.

Ekki verða merkt svæði fyrir félög á tjaldsvæðinu við Þórunnarstræti og stranglega er bannað að tjaldgestir sem koma fyrr á svæði helgi sér svæði fyrir þá sem seinna koma.

Á Hömrum verða merkt svæði fyrir þau félög sem þess óska fyrir 28. Júní.

Þessi svæðaskipting er þó eingöngu til viðmiðunar og þæginda fyrir tjaldgestina en ekki hægt að líta á skiptinguna þannig að viðkomandi blettur sé frátekinn fyrir ákveðið félag. Við getum ekki vísað tjaldsgestum frá sem þegar eru á svæðinu hyggjast dvelja hjá okkur um lengri tíma vegna einhverra sem hugsanlega eiga eftir koma síðar. Við getum ekki ábyrgst að allir nái að halda hópinn.

Sama regla á við á Hömrum og á Tjaldsvæðinu við Þórunnarstræti að stranglega er bannað að tjaldgestir sem koma fyrr á svæðið helgi sér svæði fyrir þá sem seinna koma. Sama á við aðgengi að rafmagnstenglum.

Tjaldsvæðið við Þórunnarstræti er lítið og tekur mjög takmarkaðan fjölda tjaldgesta. Þar er einnig mun takmarkaðra aðgengi að rafmagni en á Hömrum. Á tjaldsvæðinu við Þórunnarstræti skulu bílar vera á bílastæðum utan svæðis. Tjaldsvæðið að Hömrum er risastórt og getur tekið á móti mjög mörgum gestum og þar eru yfir 200 tenglar til rafmagnstenginga.

Við gerum okkar besta til að skipuleggja móttöku tjaldgesta þannig að sem flestir fái þá þjónustu sem þeir óska eftir. Mikil ásókn hefur verið í það að láta merkja svæði fyrir ákveðin félög. hópa á báðum tjaldsvæðum. Það hefur komið fyrir á undanförnum árum að við höfum merkt félögum svæði fyrir ákveðinn fjölda gistieininga en síðan hafa mikklu færri mætt. Það er mikilvægt að félögin reyni að áætla fjölda gistieininga eins nákvæmlega og hægt er.

Á undanförnum árum hefur það færst í vöxt að félög hafi boðað til grillveislna inni á tjaldsvæðinu að Hömrum. Þetta hefur orsakað mikinn óþarfa akstur um svæðið og valdið tjaldgestum hættu og ónæði.

Af þessum sökum og með hliðsjón af Covid-19 viðmiðum hefur verið ákveðið að heimila ekki slíkar samkomur inni á svæðinu.

Gistigjöld á báðum tjaldsvæðunum er kr. 1.700,- pr. nótt fyrir 18 ára og eldri.

Á Hömrum er veittur afsláttur ef greitt er fyrir fleiri nætur í einu við komu. Fyrsta nóttin er á kr. 1.700,- og aðrar nætur á 1.500. Ath. Þetta á eingöngu við ef greitt er fyrir allar næturnar í einu.

Aðgangur að rafmagni kostar kr. 1.050 pr. sólarhring. Mjög takamarkaður aðgangur að rafmagni á Þórunnarstrætinu en betri möguleikar að Hömrum.

Þvottur kostar kr. 500. þvottaefni kr. 100 og þurrkari kr. 500. pr. skipti. Aðgangur að sturtum kostar 400 kr á Þórunnarstrætinu en er inni í gistigjaldinu að Hömrum.

Rétt er að benda á að á tjaldsvæðunum gilda almennar tjaldsvæðareglur sem eru eftirfarandi:

  1. Tjaldsvæðið er fjölskyldutjaldsvæði og yngri en 18 ára skulu vera í fylgd með forráðamanni. Við sérstakar aðstæður geta aldurstakmörk verði önnur.

  2. Gestum ber að hafa samband við tjaldvörð og greiða dvalargjöld.

  3. Umferð ökutækja á tjaldsvæðinu á að vera lágmarki og er takmörkuð við akstur inn og útaf svæðinu. Hámarkshraði er 15. km/klst.

  4. Ekki má rjúfa næturkyrrð, vera með háreysti eða valda óþarfa hávaða með umferð eða öðru.

  5. Virða ber næturkyrrð á milli kl 24 og 08.                                   

  6. Ölvun er bönnuð á tjaldsvæðinu.

  7. Sorp skal sett í þar til gerð ílát, flokkað eftir þeim reglum sem gilda á tjaldsvæðinu.

  8. Hundar mega aldrei vera lausir eða án eftirlits á tjaldsvæðinu eða valda öðrum gestum ónæði eða ótta.

  9. Vinnið ekki spjöll á náttúrunni, húsnæði eða búnaði tjaldsvæðisins.

  10.  Brot á umgengnisreglum getur varðað brottrekstri af tjaldsvæðinu.

Það er von okkar að allir geti fundið sér stað til hæfis í tjaldsvæða gistingu um þessa fjölmennu ferðahelgi.

GSM 843-0002  email tryggvi@hamrar.is  www.hamrar.is

TJALDSVÆÐIÐ HÖMRUM OPNAR 15. MAÍ   7. maí 2020

Tjaldsvæðið að Hömrum hefur verið lokað frá því byrjun apríl. Nú stefnum við á að opna aftur þann 15 maí.

Athugið að miklar takmarkanir munu vera á starfsemi tjaldsvæðisins vegna Covid 19. Settar hafa verið fjöldatakmarkanir og önnur viðmið varðandi starfsemi tjaldsvæða sem við erum þessa daganna að vinna úr og skipuleggja okkur fyrir sumarið.

SUMARDAGURINN FYRSTI  21. apríl 2020

Í tilefni af því að í vor verða 20 ár frá formlegri opnun svæðisins að Hömrum var ætlunin að vera með veglegri dagskrá í hlöðunni að Hömrum á fyrsta sumardag en venjulega.

Í ljósi aðstæðna verður ekki nein sumarsúpa að Hömrum á sumardaginn fyrsta í ár. Við bjóðum bara uppá súpu seinna á árinu.

Tjaldsvæðið lokað um páskana   9. apríl 2020

Tjaldsvæðið að Hömrum er lokað um páskana með tilliti til samkomubanns.


Aðalfundur Hamra   3. mars 2020

Aðalfundur Hamra verður haldinn í Hyrnu mánudaginn 9. mars. Klukkan 19:45

MEÐ ATKVÆÐISRÉTT: allir fullgildir félagar í Klakki 18 ára og eldri, styrktarfélagar Hamra og félagar í þeim samtökum skáta og samstarfsaðila sem aðalfundur hefur samþykkt sem samstarfsaðila.

MEÐ MÁLFRELSI OG TILLÖGURÉTT forráðamenn skáta í Skátafélaginu Klakki og þeir er stjórn býður sérstaklega á fundinn, eða fundurinn ákveður.


Image title


Gistigjald um verslunarmannahelgina 2019  26. júlí 2019

GISTIGJALD Á TJALDSVÆÐINU VIÐ ÞÓRUNNARSTRÆTI UM VERSLUNARMANNAHELGINA

Á Þórunnarstrætinu kostar nótin kr. 2200 eða kr 6600 yfir helgina frá föstudegi til mánudags ef gjaldið er greitt fyrir eina nótt í einu. Ef greitt er fyrir allar þrjár næturnar í einu lagi við komu á föstudag kostarkr 5000 til mánudags og frá laugardegi kr. 3400 Ekki er endurgreitt þótt menn fari fyrr. Dvalargestir þurfa að bera sérstök aðgangsarmbönd þessa helgi. Ekki eru afgreidd ný armbönd í stað slitinna nema að farmvísað sé því gamla ásamt kvittun fyrir greiðslu

Þeim sem eru  óánægðir með þetta er bent á að á Hömrum er hægt að greiða fyrir hverja nótt á kr. 1600 En það á bara við um fjölskyldufólk.

GISTINÁTTASKATTUR KR 333 bætist við fyrir hverja nótt

Tjaldsvæðið við þórunnarstræti um verslunarmannahelgina  15. júlí 2019

Um verslunarmannahelgina verður gestahópurinn á tjaldsvæðinu við Þórunnarstræti trúlega mjög blandaður. Þar verður talsvert um almenna ferðamenn sem leið eiga um. Einnig fjölskyldufólk og þeir sem koma til að taka þátt í skipulögðum hátíðarhöldum og ýmiskonar dagskrá um helgina. Allir verða að hjálpast að við að gera dvölina sem ánægjulegasta.

Athygli er vakin á að það er 18 ára aldurstakmark á tjaldsvæðunum nema í fylgd með forráðamanni. Einnig er hækkað gistigjald hækkað lítilega vegna aukinns viðbúnaðar s.s. gæslu o.fl..

Verslunarmannahelgina á tjaldsvæðinu á Hömrum Akureyri  15. júlí 2019

Þessa daganna stendur undirbúningur undir verslunarmannahelgina sem hæst á tjaldsvæðunum á Akureyri. Að mörgu þarf að huga svo alt gangi eins vel og hægt er miðað við þessa miklu ferðahelgi. Við leggjum áherslu á að tjaldsvæðið að Hömrum við Kjarnaskóg er fyrst og fremst hugsað sem fjölskyldutjaldsvæði þótt einstaklingar geti auðvitað einnig dvalið þar. Gistigjaldið að Hömrum er kr 1600 kr. fyrir fullorðna en frítt fyrir börn að 18 ára aldri í fylgd með forráðamanni.
Aðgangur að rafmagni er takmarkaður og aðeins seldur fyrir jafn margar nætur og greitt er fyrir við komu og kostar kr 1.000 pr nótt

Bíladagar Fjölskyldutjaldsvæði.  12. júní 2019

Næstu daga verða bíladagar á Akureyri 14-17 júní. Rétt er að benda á tjaldsvæðin á Akureyri bæði á Hömrum og við Þórunnarstræti eru fjölskyldutjaldsvæði. Rekið er sérstakt tjaldsvæði fyrir gesti bíladaga á svæði Bílaklúbbs Akureyrar.
Samkvæmt venju verður gæsla og annar viðbúnaður á tjaldsæðunum aukinn verulega og reglum tjaldsvæðanna framfylgt í hvívetna.

Víðförlir ferðamenn  29. apríl 2019

Víðförlir ferðamenn allaleið frá Kína á þessum bíl. Auðvitað koma þau við á Hömrum enda vorið komið þar og trén nærri laufguð.


Image title


Sumardagurinn fyrsti 2019  24. apríl 2019


Sumardagurinn fyrsti verður fimmtudaginn 25. apríl og mun Klakkur fagna honum með hefðbundnum hætti. Skátar safnast saman við Giljaskóla klukkan 10.30. Þaðan er gengið til messu í Glerárkirkju og hefst hún klukkan 11.00. Klukkan 12:30 er svo skátum, fjölskyldum þeirra og velunnurum boðið í léttan hádegisverð, gleði og glens á Hömrum.

Gleðilegt sumar og takk fyrir veturinn !


Vegur lokaður vegna ófærðar  12. apríl 2019

22.3.19 Vegna óveðurs þá er vegurinn upp að Hömrum ófær, engum er ráðlagt að koma hér uppeftir.

Image title

Óveður og ófærð  22. mars 2019

 22.mars

Gert er ráð fyrir stórhríð á Akureyri og nágreni í dag. Ekkert ferðaveður og má búast við áfærð á vegum.

Aðalfundur Hamra  12. mars 2019

Aðalfundur Hamra er á morgunn, miðvikudaginn 13. mars.

Image title


Úrvals skíðafæri á Hömrum   5. mars 2019

Margir nýta sér að koma á gönguskíði á Hömrum en gönguskíðabreut tengist brautunum í Kjarnaskógi og Naustaborgum


Image title

AÐALFUNDUR HAMRA 2019   5. mars 2019

Aðalfundur Hamra útilífs- og umhverfismistöðvar skáta verður haldinn miðvikudaginn 13. mars kl 19 30 í skátaheimilinu Hyrnu Þórunnarstræti 99

Félagar í Klakki, foreldrar og félagar í St. Georgsgildunum eru hvattir til að mæta.

Image title


Mikill snjór á Hömrum.  19. febrúar 2019

Image title

Fólk á skíðum og annarri útivist. Fullt tungl í morgun. Meðf. mynd var tekin á síðasta fulla tungli

Gestir allar nætur á Hömrum  15. febrúar 2019

Image title

Image title

Gestir í húsbílum eða tjöldum á hverri nóttu að Hömrum og njóta frábærrar aðstöðu og þjónustu.

Frábært veður  15. febrúar 2019

Image title

Sólin skín á fallegt umhverfi Hamra. Fjöldi fólks notar góða veðrið til útiveru

Stækkun tjaldsvæðisins  15. febrúar 2019

Framkvæmdir við nýjar tjaldflatir halda áfram. Verið að flytja mikið magna f mold á svæðið.Image title

Nýtt aðsóknarmet á tjaldsvæðunum  11. desember 2018

Enn verður slegið met í aðsókn að tjaldsvæðunum á Akureyri. Íslendingum fjölgar á báðum svæðum en erlendum gestum fækkar heldur að hömrum en tals vert mikið á tjaldsvæðinu við Þórunnarstræti. Nú stefnir í að gistinætur verði tæplega 60.000 þetta árið

Sógræna jólatréð er selt að Hömrum  11. desember 2018

Image title

Eins og venjulega seljum við hér að Hömrum hið vinsæla sígræna jólatré.


Nýjar tjaldflatir að Hömrum  17. ágúst 2018

Nú eru hafnar framkvæmdir við tvær nýjar tjaldflatir á Hömrum. Flatirnar verða norðan núverandi svæðis og verða þá tjaldflatirnar orðnar 19 alls. Fyrsti áfangi fellst í að keyra mold inn á svæðið. Gert er ráð fyrir að flytja allt að 34.000 rúmmetra af efni til að forma tjaldflatirnar. Til að flytja allt þetta efni þarf að fara í talsverðar vegaframkvæmdir sem nú standa yfir. Image title

HELGIN BYRJAR VEL Á AKUREYRI   3. ágúst 2018

Helgin byrjar vel hér á tjaldsvæðunum á Akureyri. Margir voru að koma fram eftir kvöldi. Spáin er mjög góð fyrir helgina þannig að von er á góðu veðri, sól og blíðu alla helgina.

Við erum með mikinn viðbúnað á báðum svæðum svo gestir okkar geti haft ánægjulega dvöl á Akureyri um helgina. Við viljum minna á að á Hömrum er dagskrá ætluð börnum um helgina og bætist hún við fjölbreytta dagskrá í bænum.

Við viljum minna á að á Tjaldsvæðunum á Akureyri er 18 ára aldurstakmark nema í fylgd með forráðamanni og ekki eru veittar undanþágur frá því. Einnig minnum við á breytt gistigjald á tjaldsvæðinu við Þórunnarstræti.

LESIÐ FREKARI UPPLÝSINGAR UNDIR FRÉTTA-FLIPANUM

Dagskrá AÐ HÖMRUM UM VERSLUNARMANNAHELGINA  31. júlí 2018

Verið er að undirbúa dagskrá fyrir tjaldgesti um verslunarmannahelgina.

Reynt verður að gera dagskrána einsfjölbreytta og kostur er. Tjaldgestir sem greiða fyrir alla helgina við komu fá aðgangskort sem gildir í 5 dagskrár atriði. Hægt er að kaupa aðgangskort að vild á kr. 500 hjá tjaldvörðum.

Allir sem greiða fyrir alla helgina við komu fá eitt kort sem er innifalið í gistigjaldinu. 

Föstudagur

Frisbifgolfið er alltaf opið

Ratleikur 18-21

Laugardagur og sunnudagur

 Frisbifgolfið er alltaf opið

 Leikjatjörnin með flekum ef veður leifir ca kl 10-14

Kl. 18-21: Ævintýraland, hoppukastalar, hjólabílar, rafmagnsbílar bátar og mini-golf Ratleikur og frisbigolfið alltaf opið

Mánudagur

Ratleikur 09-12

Frisbigolfið alltaf opið

Aðeins þarf að nota aðgangskort í ævintýralandið. Frjáls aðgangur er í aðra dagskrárliði.

Fleira um verslunarmannahelgina undir frétta-flipanum 

Tjaldsvæðið við þórunnarstræti um verslunarmannahelgina  28. júlí 2018

Um verslunarmannahelgina verður gestahópurinn á tjaldsvæðinu við Þórunnarstræti trúlega mjög blandaður. Þar verður talsvert um almennir ferðamenn sem leið eiga um. Einnig fjölskyldufólk og þeir sem koma til að taka þátt í skipulögðum hátíðarhöldum og ýmiskonar dagskrá um helgina. Allir verða að hjálpast að við að gera dvölina sem ánægjulegasta.

Athygli er vakin á að það er 18 ára aldurstakmark á tjaldsvæðunum nema í fylgd með forráðamanni. Einnig er hækkað gistigjald.

Undirbúningur fyrir verslunarmannahelgina á tjaldsvæðinu á Hömrum  28. júlí 2018

Þessa daganna stendur undirbúningur undir verslunarmannahelgina sem hæst á tjaldsvæðunum á Akureyri. Að mörgu þarf að huga svo alt gangi eins vel og hægt er miðað við þessa miklu ferðahelgi. Við leggjum áherslu á að tjaldsvæðið að Hömrum við Kjarnaskóg er fyrst og fremst hugsað sem fjölskyldutjaldsvæði þótt einstaklingar geti auðvitað einnig dvalið þar. Gistigjaldið að Hömrum er kr 1500 kr. fyrir fullorðna en frítt fyrir börn. Afsláttarkjör falla úr gildi þessa helgi frá föstudegi til mánudags en á móti kemur að allir sem greiða fyrir alla helgina í einu fá aðgangsmiða að dagskrá fyrir börn sem verður í gangi seinnipart og kvöld laugardag og sunnudag. Sérstök aðgangsarmbönd verða notuð um verslunarmannahelgina sem allir verða að bera.

Sól og blíða í morgunsárið  17. júlí 2018

Sól og blíða í morgunsárið Að Hömrum eins og flesta daga í sumar. Tjaldgestir njóta þess að vakna í blíðviðrinu og börnin strax út að leika.Image titleImage titleImage titleImage title

Góð aðsókn að tjaldsvæðunum á Akureyri það sem af er sumri.  13. júlí 2018

 

Góð aðsókn að tjaldsvæðunum á Akureyri það sem af er sumri. Gistinætur í júní á báðum tjaldsvæðunum Þ.e. á tjaldsvæðinu við Þórunnarstræti og á tjaldsvæðinu að Hömrum urðu tæplega níu þusund og fjölgaði frá síðasta ári um rétt rúm þrjú þúsund. Áberandi fleiri Íslendingar eru að gista á tjaldsvæðunum í júní í ár heldur en á sama tíma á síðasta ári Erlendum ferðamönnum fjölgar einnig talsvert á Hömrum en eru nánast jafnmargir á tjaldsvæðinu við Þórunnarstræti en 1/3 erlendra gesta tjaldsvæðanna gisti þar í júní.


N1-Mótið 2018.Tjaldsvæðin á Akureyri  27. júní 2018

Við bjóðum gesti velkomna á tjaldsvæðin á Akureyri í sambandi við N1 mótið. Tjaldsvæðin á Akureyri eru tvö. Annað við Þórunnarstræti og hitt að Hömrum við Kjarnaskóg.

Tjaldsvæðið við Þórunnarstræti er lítið og tekur mjög takmarkaðan fjölda tjaldgesta. Þar er einnig mun takmarkaðra aðgengi að rafmagni en á Hömrum. Bílar skulu vera á bílastæðum utan svæðis. Tjaldsvæðið að Hömrum er risastórt og getur tekið á móti 2-3000 gestum og þar eru yfir 200 tenglar til rafmagnstenginga.

Við gerum okkar besta til að skipuleggja móttöku tjaldgesta þannig að sem flestir fái þá þjónustu sem þeir óska eftir. Mikil ásókn hefur verið í það að láta taka frá svæði fyrir ákveðna hópa á báðum tjaldsvæðum. Það hefur komið fyrir á undanförnum árum að við höfum merkt félögum svæði fyrir ákveðinn fjölda tjalda og vagna, en síðan hafa mikklu færri mætt. Það er mikilvægt að félögin reyni að áætla fjölda gistieininga eins nákvæmlega og hægt er.

Til að koma á móts við óskir félaganna um svæði höfum við boðið upp á tvo kosti.

  1. Á tjaldsvæðinu við Þórunnarstræti verður reynt að skipta svæðinu niður í reiti og setja upp merki þeirra félaga/hópa sem haft hafa samband fyrir 29. júní. Þessi svæðaskipting er þó eingöngu til þæginda fyrir tjaldgestina en ekki hægt að líta á skiptinguna þannig að viðkomandi blettur sé frátekinn fyrir ákveðna aðila. Ef svæðið er að fyllast á þriðjudag eða miðvikudag, getum við ekki vísað tjaldsgestum frá sem hyggjast dvelja hjá okkur um lengri tíma vegna einhverra sem hugsanlega eiga eftir koma síðar. Við getum ekki ábyrgst að allir nái að halda hópinn. Nokkuð hefur borið á því að einstaka félög hafa verið að færa merkingar og helga sér önnur og eða stærri svæði. Þetta hefur valdið leiðindum og vandræðum. Forsvarsmenn félaganna eru beðnir að virða þessa reglu okkar um merkingu svæða.

  2. Á tjaldsvæðinu að Hömrum, sem er um 10 sinnum stærra en tjaldsvæðið við Þórunnarstræti getum merkt svæði fyrir félög/hópa sem það kjósa. Þeir sem vilja láta merkja sér svæði verða að hafa samband og tilkynna um ca. fjölda gistieininga sem búast má við að komi fyrir 29. júní. Svæðið býður upp á marga skemmtilega kosti varðandi afþreyingu og leiki.

Hamrar eru í um 5 mínútna akstri frá KA heimilinu og miðbæ Akureyrar. Svæðið er ákaflega skemmtilega staðsett, sérstaklega fyrir fjölskyldufólk, í friðsælu umhverfi norðan við Kjarnaskóg. Á svæðinu eru ýmis leiktæki fyrir börn, hægt er að horfa á sjónvarp, boltavöllur og tjörn þar sem hægt er að fá leigða báta. Risa-fótboltaspil, folfvöllur o.fl.

Á undanförnum árum hefur það færst í vöxt að félög hafi boðað til grillveislna inni á tjaldsvæðinu að Hömrum. Þetta hefur orsakað mikinn óþarfa akstur um svæðið og valdið tjaldgestum hættu og ónæði.

Fyrirkomulagið verður því þannig:

Öðrum en dvalargestum svæðisins er ekki heimilt að aka inn á svæðið.

Bílastæði utan svæðis eru mjög takmörkuð og verða utanaðkomandi gestir í grillveislur að gera ráðstafanir til að fækka bílum t.d. með sameiginlegum ferðum upp á Hamra.

Gistigjöld á báðum tjaldsvæðunum er kr. 1.500,- pr. nótt fyrir 18 ára og eldri. og gistiskattur 333,- pr. nótt á hverja gistieiningu. Á Hömrum er veittur afsláttur ef greitt er fyrir fleiri nætur í einu við komu. Fyrsta nóttin er á kr. 1.500,- og aðrar nætur á 1.300. Ath. Þetta á eingöngu við ef greitt er fyrir allar næturnar í einu.

Aðgangur að rafmagni kostar kr. 1.000 pr. sólarhring. Mjög takamarkaður aðgangur að rafmagni á Þórunnarstrætinu en betri möguleikar að Hömrum.

Þvottur kostar kr. 500. þvottaefni kr. 100 og þurrkari kr. 500. pr. skipti. Aðgangur að sturtum kostar 400 kr á Þórunnarstrætinu en er inni í gistigjaldinu að Hömrum.

Bíladagar: Fjölskyldutjaldsvæði  12. júní 2018

Næstu daga verða bíladagar á Akureyri  13-17 júní. Rétt er að benda á tjaldsvæðin á Akureyri bæði á Hömrum og við Þórunnarstræti eru fjölskyldutjaldsvæði. Rekið er sérstakt tjaldsvæði fyrir gesti bíladaga á svæði Bílaklúbbs Akureyrar.

Samkvæmt venju verður gæsla og annar viðbúnaður á tjaldsæðunum aukinn verulega og reglum tjaldsvæðanna framfylgt í hvívetna.

Sígræna jólatréð  28. nóvember 2017

Image title


Tjaldsvæðin í Haust  20. september 2017

Tjaldsvæðið við Þórunnarstræti lokaði þann 18 september og verður lokað þar til 9 júní á næsta ári.

Tjaldsvæðið að Hömrum er opið allt árið og þar er öll þjónusta í boði. Ovanalega mikil aðsókn hefur að tjaldsvæðinu á Hömrum nú í haust og stefnir September í að verða metmánuður hjá okkur.

Plöntum skógi á Hömrum  17. ágúst 2017

Skátarnir hafa plantað skógarplöntum á Hömrum frá því að afskipti þeirra að svæðinu hófust. Fyrsta útplöntunin var árið 1993 í tengslum við landsmót skáta í Kjarnaskógi. 

Í tilefni af 100 ára afmæli skátastarfs á Akureyri verður fólki boðið að planta nokkrum trjám að Hömrum á milli kl. 11 og 12 á sunnudag. Mæting við þjónustuhúsið að Hömrum 2

VERUM TILLITSÖM OG GERUM DVÖLINA ÁNÆGJULEGA.   3. ágúst 2017

 

VERUM TILLITSÖM OG GERUM DVÖLINA ÁNÆGJULEGA.
Um verslunarmannahelgina verður gestahópurinn á tjaldsvæðinu trúlega blandaður. Almennir ferðamenn sem leið eiga um og þeir sem koma til að taka þátt í skipulögðum hátíðarhöldum og ýmiskonar dagskrá um helgina. Allir verða að hjálpast að við að gera dvölina sem ánægjulegasta.